土樓資訊
    土樓資訊
    旅遊資訊
    客家文化
 
         土樓資訊  
廈門土樓之旅~Day 2 向土樓出發


廈門土樓之旅~Day 2 向土樓出發

2013年4月19日下午8:43公開累積瀏覽 405 1

先說明一下, 小弟想去土樓一遊既原因, 同劉天皇既綠茶廣告無關.
畢竟土樓都有很長既歷史, 更加係世界文物遺產之一, 當然吾可以錯過la.

香港人去土樓, 主要都會係去永定, 或者南靖土樓群.
當然, 我見有人係由深圳/廈門坐火車或者係巴土前往.
個人就推介搵柯師傅包車. 八十後既年輕人, 服務一流,
收費合理, 仲好有口埤tim.

有興趣既可以去柯師傅既網站度望下, 入面有包車既資料.

從廈門市區出發, 先經過(來過數次)海滄大橋. 吾好睇少依條橋, 其實很有來頭.
係亞洲第一、世界第二(僅次於丹麥)既三跨連續全漂浮鋼箱梁懸索橋來的.


離開廈門市區, 大既一個鐘就到南靖.


名副其實既又越過高山又越過谷


終於去到南靖土樓群!!!


柯師傅既車, 超新淨 最初仲好擔心架車會好殘舊tim


第一個景點就係行百幾級樓梯上去個小山丘到睇下成個土樓群(河坑土樓群)既全景.
網上資料話依度既第一坐土樓係建於1549年, 仲有仙山樓閣; 北斗七星既稱號.


遠睇似UFO既土樓, 其實好慳位, 可以住好多人.

由山頂遠望落去, 影出來既相有D似模型!


走入土樓群入面, 到處都係四圍行既家禽同埋農田,
同其他商業味很重既土樓景點吾同(後面既blog會有講),
依度真係有人住ga. (當然, 伴隨住既就係夜香既異味同埋非常活躍既蚊)
 
 
  • 南靖,
  • 土樓,
  • 廈門,
  • 河坑土樓

    廈門土樓之旅~Day 2 圓形城堡永慶樓

    2013年4月22日下午4:34公開累積瀏覽 278 0

    入到村, 頭號目標就係貌似最大既永慶樓, 土樓又有東方城堡既稱號.
    配合前面既農田, 都有少少歐洲feel ga .


    "入城"

    因為入左世界遺產, 所以每座土樓都有政府發出既"身分證".
    講真, 無佢既話, 只係睇相/睇樓真係未必分得出邊座打邊座.

    返香港之後查番, 永慶樓係成個河坑土樓群入面最新既一個,
    大約建於1967-1972年, 比起最老既朝水樓(1549-1553)足足差左400幾年.
    但係其實入面既結構係差吾多的.


    土樓特別既地方係, 成座野都係靠一支支既大木支撐住, 冇其他野GA.
     
     

    睇下, 真係有一戶戶既村民係度住GA.
    因為吾係超熱門既旅遊點, 入去吾使買飛; 無人管住,
    想去邊都得.同下晝去既承啟樓完全無得比!!!
     
    去睇同村既方形土樓時經過既曉春樓, 同永慶樓差吾多, 就吾另外出blog了.


    廈門土樓之旅~Day 2 四角形的土樓

    2013年4月25日下午8:46公開累積瀏覽 282 0

    提起土樓, 大家都會馬上醒起大大個圓形,有D似UFO既建築物.
    其實除左圓形之外, 仲有D係四角形ga.  
    而且, 有個講法係話土樓最初其實係方形既, 係後來先慢慢變為圓形的.
    可能因為依個原因, 係田螺坑土樓群入面, 最古老既土樓都係方形既,
    好似下而依個, 建於四百幾年前既永盛樓.


    每座土樓都係有名有姓既!!!



    有冇覺得同上一篇BLOG既圓珍土樓比高好多呢??
    原來永盛樓雖然佔地既面積比較細, 但係樓高四層, 係河坑土樓群入面最高既一座土樓!!!
     
    係我地參觀既時候, 岩岩好撞到個好客既村民. 隨左同我地講下土樓既野, 點樣起等等之外,
    仲帶我地去左睇永盛樓同永榮樓之間既"一線天". "一線天"大陸多的是, 估吾到連土樓都有.
     

    望完永盛樓同"一線天", 當然吾可以錯過旁邊既永榮樓LA.
    同樣地, 永榮樓都有近三百年既歷史了.


    由土樓入面望向天, 別有一番風味


    有興趣既其實大家都可以行上去望下,
    不過一來好似有少少日久失修既樣子,
    二來真係吾係好頂得順陣夜香味....,
    所以小弟就冇行上去了.
     
     
     
     

    廈門土樓之旅~Day 2 農家菜

    2013年4月28日下午9:06公開累積瀏覽 292 0

    行左幾座土樓, 由河坑土樓群出來已經差吾多中午,
    係去下一個景點之前, 順道去左附近既一間農家菜館食飯.


    就係依間"雲龍居", 其實旁邊都有好多間農家菜館, 入面塞滿左大量既本地一天遊既人.
    依間係柯師傅推介既, 望落得幾張 木台, 人吾多, 感覺正宗少少.....


    食食下飯有一 木台 鬼佬泥, 原來佢地食既野同我地係吾同既.
    我地身為中國人, 當然可以自己點菜LA.


    先來既係筍蚊豬肉, 可能因為小弟鍾意食筍, 味道吾錯.


    肉丸物體, 具體係咩野就吾記得了.


    梅菜扣肉, 這個很贊


    床床 床床 地既鹽水鴨, 我見佢地係第二度買外賣返來既


    再來就係土雞燉湯. 係有D油, 但係好有雞味.
    我仲見到隻雞佢地係餐廳入面生劏既. 夠晒新鮮.
    食飽飽就去下個景點LA.
     

    廈門土樓之旅~Day 2 萬人空巷承啟樓

    2013年5月1日下午2:43公開累積瀏覽 297 0

    下晝第一度去既地方, 就係餐廳附近, 其中一座人氣最強既土樓"承啟樓" la.
    簡值係每個去永定土樓既旅行團必去既一個地方, (所以岩岩先見到勁多專做"團餐"既餐廳!!!)

    正因為人氣最強, 商業味也隨之而來既強. 除左要門票之外,
    門口仲有人幫你地影張大合照, 幾分鐘就有得拿. 十足尖沙咀海旁既影相檔.


    承啟樓直徑73米, 有近三百年既歷史. 有"圓樓之王"既稱號!!!
    特色除左大之外, 中間仲有四個同心圓, 係祠堂所在.


    承啟樓有三百幾間房, 全盛時期有六百人住係度.
    而家, 應該冇人住了, 地面既全部變左賣紀念品同埋野食既舖頭.
    而且上層號稱因為"結構問題"吾上得去.
    同上晝睇既土樓真真正正有人住 (所以都有陣陣夜香味) 任人參觀完全係兩回事
    IMG_6123 

    人多擠逼


    上面提過上層號稱因為"結構問題"吾上得去, 但係點解佢地又上得去????
    因為佢地係大會指定既攝影師, 收費幫你由上而下影張相 (當然都係幾分鐘有取).
    結構問題??? 吾排除係因為要整個獨家影相位lor.
     

    承啟樓人又多又吾好玩, 所以留左陣就去下一個地方了.
    原本早上同柯師傅傾行程時吾夠時間去另一個人氣, "東歪西倒"聞名既裕昌樓時都有d失望架.
    但係泥過承啟樓依度之後, 覺得裕昌樓既商業化程度同依度應該有得揮,
    好彩上晝冇浪費時間為左去裕昌樓而放棄左河坑土樓群.
    起碼, 我都叫做真真正正睇過地道既土樓先.

    從承啟樓出發, 就去到今日最後一個景點la.
     


    廈門土樓之旅~Day 2 塔下村

    2013年5月4日下午3:27公開累積瀏覽 390 1

    由承啟樓出發, 好快就去到今日既最後一個行程, 位於南靖附近既塔下村.
    一落車, 已經比眼前依條小溪景色吸引了.
     

    塔下村建於1426年, 有"閩南周庄"既稱號. 當然都有大量既土樓沿溪而建.
    睇左成日土樓都開始有D膩, 反而景色真係非常之靚.


    對比承啟樓果頭, 雖然都有少少商業化既成份, 但係仍然有好多農村風味.
    好似下面依隻賴洋洋, 但係又對路過既遊客好好奇, 小弟稱之為"土樓狗"

    今日第二之見到鴨群(定係鵝????) 今次仲排住隊過河TIM


    沿溪向村入面行, 就會去到人地祠堂既部份.
    門口有一支支化表功名既柱. 村內既人每得到一個功名就起一條. 晒名既地方是也!!!


    祠堂, 冇咩特別
     
     
     


    仲有村民表演傳統既婚禮儀式. 仲叫人上堂扮新娘tim.
    但係叫極都冇人肯上去, 最後竟然索性收工吾做落去. 真係估佢地吾到.


    行入村入面仲有個市集仔, 我都係第一次睇到現場炒茶葉既過程呢.
     

    其實行上山都有個位可以睇晒成條村. 但係時間(同埋體力)既關係我地就冇去la.
    下面依張係影左人地張廣告比大家參考一下.

    離開塔下村, 已是近黃昏, 成日既土樓行程就完結la. 最後柯師傅就車返我地去廈門市區食晚飯.

    係度小弟真係忍吾住要同大家推介多一次. 想去土樓玩又想包車既話, 柯師傅真係一個吾錯既選擇!!!


    http://blog.yahoo.com/_WWSZM4MVZP6DG4VEOR6G2R3WYI/articles/990153/index
 
网站首页  |  公司简介  |  土楼景点  |  新闻资讯  |  旅游住宿  |  留言板  |  联系我们
版权所有:福建土楼旅游网  联系人:柯先生   电话:+86 13860870478   +852-65209977 邮箱:kkwwjj2006@163.com +86 13860870478  MSN:fjtulou@live.cn